РЫГОР БАРАДУЛІН У АЦЭНКАХ І ДУМКАХ

0
804

Рыгор Барадулін у ацэнках Васіля Быкава

Барадулiн — гэта чараўнiк. Найперш чараўнiк паэтычнай стыхii, якая жыве ў iм, мабыць, з дня яго нараджэння i якi сам жыве ў ёй, вольна i радасна, як жыве птушка ў палёце…

Васіль Быкаў.

 

У Барадулiна роднае слова гучыць так натуральна i мiлагучна, як спрадвеку гучаць у сусветнай паэзii iтальянскае, французскае, расейскае словы.

Васіль Быкаў.

 

Думкі, радкі з твораў Р. Барадуліна

Трэба дома бываць часцей,
Трэба дома бываць не госцем,
Каб душою не ачарсцвець,
Каб не страцiць святое штосьцi.

Рыгор Барадулін.

 

Без мовы я — нішто… Няма мовы — няма паэта… Беларускае слова для мяне — абсалютна ўсё: я ім дыхаю, я ім бачу, я ім гавару, я ім жыву, я ім хаджу. Я не ўяўляю сябе без беларускага слова. Адабраць яго ад мяне — я буду нямы, глухі і нерухомы. Я буду мёртвы.

Рыгор Барадулін.

 

Пакуль жыву,
Датуль малюся Беларусі.
І да сваіх
З малітвай гэтай адыду.

Рыгор Барадулін.

 

Старайся не ў дзяльбе,
А ў малацьбе,
Каб вымалiць з цемрачы праменне.
Ляж зморшчынкай
Ва ўсмешцы на iлбе,
Каб недзе ўспомнiла жыццё цябе,
У незваротнай вечнасцi —
Iмгненне.

Рыгор Барадулін.

 Падрыхтаваў А. І. Бельскі