Прыкладная тэматыка дыпломных работ па жыцці і творчасці народных пісьменнікаў Беларусі

1. Традыцыі еўрапейскага рамантызму і паэзія Янкі Купалы.
2. Тыпалогія рамантызму ў ранніх паэмах Янкі Купалы.
3. Янка Купала і мадэрнізм.
4. Паэтычная міфатворчасць Янкі Купалы пачатку ХХ стагоддзя.
5. Патрыятычная лірыка Янкі Купалы.
6. Жанрава-стылёвая адметнасць драматургіі Янкі Купалы.
7. Станаўленне беларускага вадэвілю (на матэрыяле твораў Янкі Купалы, Л. Родзевіча, У. Галубка і інш.).
8. Янка Купала і руская паэзія.
9. Янка Купала і ўкраінская літаратура.
10. Тэма жаночага лёсу ў драматургіі Янкі Купалы і Івана Франко.
11. Параўнальная характарыстыка зборнікаў Янкі Купалы “Спадчына” і Якуба Коласа “Водгулле”.
12. Якуб Колас — майстар пейзажнага верша.
13. Адлюстраванне нацыянальнага менталітэту ў паэме Якуба Коласа “Новая зямля”.
14. Колеравая карціна свету ў паэме Якуба Коласа “Новая зямля”.
15. “Новая зямля” Якуба Коласа і “Пан Тадэвуш” А. Міцкевіча: параўнальная характарыстыка.
16. Рэалістычнае і рамантычнае ў паэмах Якуба Коласа.
17. Канцэпцыя духоўнага свету чалавека ў паэме Якуба Коласа “Сымон-музыка”.
18. “Казкі жыцця” Якуба Коласа: мастацкі феномен і яго літаратуразнаўчыя інтэрпрэтацыі.
19. Стыль трылогіі Якуба Коласа “На ростанях”.
20. Аповесць Якуба Коласа “Адшчапенец” у кантэксце прозы 1920—1930-х гг.
21. Майстэрства гукапісу ў паэзіі Якуба Коласа.
22. Традыцыі Якуба Коласа ў беларускай паэзіі.
23. Майстэрства М. Лынькова-апавядальніка.
24. Беларуская смехавая культура ў паэзіі і прозе Кандрата Крапівы.
25. Канфлікт і персанаж у драматургіі Кандрата Крапівы (творы на выбар).
26. Чалавек і вайна ў драматургіі Кандрата Крапівы.
27. Стыль прозы Кандрата Крапівы.
28. Дыялектыка канкрэтна-гістарычнага і агульначалавечага ў паэзіі П. Броўкі.
29. Маральна-філасофскія матывы ў паэзіі П. Броўкі.
30. Жаночыя вобразы ў паэзіі П. Броўкі і А. Куляшова.
31. Чалавек — Зямля — Сусвет у паэзіі А. Куляшова.
32. Філасофскія паэмы А. Куляшова.
33. А. Куляшоў — перакладчык паэзіі А. Пушкіна.
34. Гуманістычная канцэпцыя жыцця ў паэзіі П. Панчанкі.
35. Прырода і чалавек у паэзіі П. Панчанкі (на матэрыяле паэтычных кніг 1970—1990-х гг.).
36. Чалавек — час — вечнасць у паэзіі П. Панчанкі.
37. Асаблівасці мастацкага стылю П. Панчанкі.
38. Жанравая разнастайнасць лірыкі Максіма Танка.
39. Нацыянальная карціна свету ў паэзіі Максіма Танка.
40. Іншакультурны кантэкст у паэзіі Максіма Танка.
41. Філасафічнасць паэзіі Максіма Танка.
42. Колеравая палітра паэзіі Максіма Танка.
43. Гармонія зместу і формы ў верлібрах Максіма Танка.
44. Форма прытчы ў беларускай паэзіі другой паловы ХХ стагоддзя (на матэрыяле творчасці М. Танка, А. Вярцінскага, П. Макаля).
45. Беларуская вёска і сялянства ў мастацкім адлюстраванні І. Мележа: традыцыі і наватарства.
46. “Палеская хроніка” Івана Мележа: праблематыка, вобразы, стылёвыя асаблівасці.
47. Рэгіянальнае і агульнанацыянальнае ў “Палескай хроніцы” І. Мележа.
48. Прырода ў ідэйна-мастацкім кантэксце “Палескай хронікі” І. Мележа.
49. Сродкі мастацкай тыпізацыі ў апавяданнях Я. Брыля.
50. Паэтыка лірызму ў прозе Я. Брыля.
51. Вайна ў жыцці і творчасці Я. Брыля
52. Лірычная мініяцюра ў творчасці Я. Брыля.
53. Гуманістычныя асновы прозы І. Шамякіна пра вайну.
54. Жанчына і вайна ў прозе І. Шамякіна.
55. Маральна-этычная праблематыка ў прозе І. Шамякіна пра сучаснасць (на матэрыяле кніг “Палеская мадонна” і “Пошукі прытулку”).
56. Герой і антыгерой у мастацкай прозе І. Шамякіна (творы на выбар).
57. Інтэртэкстуальнасць прозы І. Шамякіна 90-х гг. ХХ стагоддзя (творы на выбар).
58. Драматургія А. Макаёнка (наватарства, жанр, стыль).
59. Спецыфіка драматургічнага канфлікту ў драматургіі А. Макаёнка.
60. Спецыфіка жанру трагікамедыі ў творчасці Андрэя Макаёнка.
61. Вайна як катастрофа свядомасці ў прозе В. Быкава (творы на выбар).
62. Творчасць В. Быкава і экзістэнцыялізм.
63. Падзеі калектывізацыі ў мастацкім асэнсаванні В. Быкава (на матэрыяле аповесцей “Знак бяды” і “Аблава”).
64. Канцэпцыя чалавека і даваеннага часу ў прозе В. Быкава (на матэрыяле твораў “Аблава” і “Жоўты пясочак”).
65. Падпольная і партызанская барацьба з фашызмам у адлюстраванні І. Навуменкі.
66. Стыль прозы І. Навуменкі.
67. Спецыфіка адлюстравання падзей Вялікай Айчыннай вайны ў пенталогіі І. Чыгрынава.
68. Чалавек і гісторыя ў п’есах І. Чыгрынава.
69. Наватарства і жанравыя пошукі ў паэзіі Н. Гілевіча.
70. Лірыка кахання Н. Гілевіча.
71. Свет прыроды ў паэзіі Р. Барадуліна.
72. Паэтычнае майстэрства Р. Барадуліна.

Падрыхтаваў А. І. Бельскі